كم مرة؟ - How many times?

🍡 كم مرة؟🍡
🍡 عن الحمد لله 🍡

🌿 مراجعة الدّار:
"الحمد لله.. الحمد لله" كم مرّة سمعتها اليوم؟

🌿 رأيي:
يقول ﷺ: ( عجبًا لأمر المؤمن إن أمره كله له خير، وليس ذلك لأحد إلا للمؤمن، إن أصابته ضراء صبر فكان خيرًا له، وإن أصابته سراء شكر فكان خيرًا له )

وقت قرأت القصة لبنتي قلتلها الحديث وشرحتلها ياه بأمثلة من الحياة اليومية..
حكيتلها نحن منحمد الله وقت منفرح وحتى وقت منزعل او نمرض او ننأذى.. وحمد الله هو خير النا وفيه كتير ثواب من الله..

تقصدت انشر هي القصة هلا .. لأني خجلانة من حالي أدام صبر وحمد اخوتنا يلي تحت بلاء عظيم..
وهاد الشي ما اجا من فراغ .. اجا من تربية إيمانية قوية ..
الله يفرج عن اخوتنا وحسبنا الله ونعم الوكيل

🌸🌸🌸🌸🌸

قصتنا عن طفل طول اليوم عم يسمع من اهله كلمة الحمد لله.. ويلي عجبني جدا الصفحة 21 يلي بتعلم الطفل يحمد الله بالسراء والضراء ..
عجبني قول الجارة الاجنبية الحمد لله بالانكليزي بنفس الحرفية

🌿 عدد الصفحات 24 .. صفحة كتابة وصفحة رسم بالتناوب
🌿 الخط كبير والتشكيل كامل مناسب للمبتدئين بالقراءة والكلمات بسيطة
🌿 الوزن 150 gr
🌿 قياس القصة كبير 33*24