Father of Ideas and Mother of Problems - أبو الأفكار وأم المشكلات

🍡 أبو الأفكار وأم المشكلات 🍡
🍡 عن التفكير الزائد 🍡

🌿 مراجعة الدار:
"رامي" يواجه مشكلة، إنها مشكلة صغيرة .. لكنها كبرت لتصير أم المشكلات .. كيف تحولت المشكلة إلى أم المشكلات؟! ومن يكون أبو الأفكار؟! وكيف تولد الأفكار العظيمة؟!
دعونا نقرأ يا أطفال ونحلق في عالم من خيال!

🌿 رأيي😎
لاحكيلكم ليش جبت هي القصة😁 انا من الناس يلي كتيييييير بفكر.. كتيييييير😅😅😅 واول مرة بتصادفني قصة عن التفكير الزائد 🤭
القصة بتحكي كيف كان في مشكلة صغيرة .. مشكلة بسيطة جدا .. بس رامي ضل يكبر الموضوع براسه لحتى صارت مشكلة كتير كبيرة .. وسيطر الهم والحزن عليه بشكل كبييير لحتى صار طفل مهموم ومحبط..
لحد ما اخد قرار.. شو هو القرار؟
ببساطة قرر يحكي عن المشكلة لأهله.. وبعد ما حكى بلشت المشكلة تصغر وتصغر وتصغر .. بعدها حكى للطبيب "حلال المشكلات" عنها .. وصغرت اكتر واكتر لدرجة صار يضحك عليها 😁
وبعدها اي مشكلة صارت تخطرله.. يحاول يلاقي الحل ليحول المشكلة إلى فكرة كبيرة
وبعد ما سيطرت عليه أم المشكلات..صار اسمه بس أبو الأفكار 😎

🌿فكرة القصة رهيييييبة .. تفاجأت اني ما لقيت الها الا مراجعة وحيدة فقط .. قصة رائعة متل هي غريب مو مشهورة 💔

🌿 القصة رمزية وانا بعشق القصص الرمزية 🤭

🌿 عدد الصفحات 31
🌿 القياس 22*26 cm
🌿 الوزن 150 gr