السيرة النبوية الشريفة للأطفال - Alsira for kids

🍡 السيرة النبوية الشريفة للأطفال 🍡

🌿 أنا هلا خلصت قراءة هاد الكتاب وهلا كتير متأثرة فيه 💔 رح احكيلكم كل مشاعري معه ❤

بالبداية حسيت في حكي زيادة عن مرحلة طفولة الرسول ومرحلة قبل البعثة (شخصيا معلوماتي التاريخية غير كافية لاعرف دقة اخبار هي المرحلة) وتوجست بصراحة من موضوع الصحة بباقي الكتاب.. بس كملته وبدأت بمرحلة البعثة تغيرت نظرتي تجاه هاد الموضوع.. حسب معلوماتي الكتاب دقيق دينيا ان شاء الله .. 

وفي كم جزئية شكيت فيهم مثل قصة الحمامة والعنكبوت "بالمناسبة في علماء حسنوا قصة العنكبوت" وتفاصيل قصة الجهر بالرسالة ...

ولكن قرأت هاد القول فخلص ارتحت❤

 """وقد نقل في الكفاية عن الإمام أحمد قوله: إذا روينا عن رسول الله -صلى الله عليه وسلم- في الحلال والحرام والسنن والأحكام تشدَّدنا في الأسانيد، وإذا روينا عن النبي -صلى الله عليه وسلم- في فضائل الأعمال، وما لا يضع حكمًا أو يرفعه تساهلنا في الأسانيد."""

بعدها الكتاب اخدني لعالم تاني❤ حسيت بفيض من المشاعر بكتير مقاطع .. مثل المآخاة بين المهاجرين والانصار❤ مثل ترك مكة 💔 مثل زيارة الطائف 💔 

الكاتب اسلوبه رهيب "عنجد الله يجزيه كل خير والله ابدع❤"

 وحاكي كتييير عبر بكتير مواقف .. الكتاب مو بس سرد تاريخ .. كله مشاعر وعبر❤

🌿 الإخراج رهييييب .. والله بشهي القراءة ❤❤ الرسم راااائع .. الألوان تحفة .. ما في ولا رسمة مخيفة حتى بالغزوات 

🌿 الميزة الكتير رائعة بهاد الكتاب ويلي ما شفتها ولا بكتاب تاني هو مختصر تسلسل احداث السيرة .. ذاكر الكاتب ب 13 صفحة مراجعة لكل أحداث السيرة المميزة من مولد الرسول صلى الله عليه وسلم لوفاته /حتى مو كل الأحداث تم ذكرها بالكتاب ولكن تم ذكرها بالتسلسل /

🌿 في عدة صفحات فاضية مسطرة بنهاية الكتاب لحتى الطفل يكتب ملاحظاته عن السيرة ❤

🌿 في صفحات هل كنت تعلم وفيها معلومات حلوة الطفل يعرفها

🌿 السيئة برأيي الشخصي في اختصار ببعض المواضع مثل حادثة الإسراء والمعراج.. تم ذكرها بشكل مختصر وتمنيت لو توسع فيها ❤

🌿 الكتاب في ذكر للغزوات وفي ذكر مختصر لتعذيب المسلمين في مكة """بدون صور مخيفة """.. باختصار هو كتاب سيرة متكامل ولكن كله كان مختصر

🌿 انا فعلا بنصح فيه لطفل بعمر +10 وممكن للاصغر الاهل يقرؤوه .. المشاعر يلي فيه حلو كتير تنتقل للاطفال❤ وأهم شي مشكل تشكيل كامل 

🌿 عدد صفحات الكتاب كله 144

🌿 الكتاب بتشكيل كامل

🌿 الإخراج والصور رائعة 

🌿 القياس 15*22 cm

🌿 الوزن 245 gr