🍡 من أطاعني 🍡
🍡 لعبة يتعلم الطفل فيها بعض من أحاديث الرسول صلى الله عليه وسلم 🍡
🌿 مراجعة الدار:
إزاي نعلم أولادنا بطريقة لطيفة إن المذاكرة بإتقان عمل يحبه الله سبحانه وتعالى؟
وإنهم لما بيساعدوا في أعمال البيت، فهما بيتبعوا سنة النبي صلى الله عليه وسلم..
وإن التعامل برحمة مع الحيوانات ممكن يكون سبب في دخولهم الجنة!
🔖شركة Moon بتقدم (لعبة من أطاعني.. )
هي لعبة تعليمية تربوية لأطفالنا،
🔸بنعلمهم فيها أحاديث النبي صلى الله عليه وسلم (أكتر من 120 حديث صحيح) من خلال زيارة الأماكن اللي بيقضوا فيها معظم وقتهم، زي البيت والمدرسة والمسجد والنادي والمول وغيرهم.. وفي كل مكان بنخلي الطفل يمر بمواقف مختلفة، وفي كل موقف بنتعلم حديث للنبي صلى الله عليه وسلم...
🔸 بالإضافة لوجود مسابقة بين اللاعبين مرتبطة بالأحاديث النبوية، واللي هيعرف يحل أسئلة أكتر.. هيقدر يتحرك في اللعبة أسرع لغاية ما نشوف مين هيقدر يوصل لنقطة النهاية أسرع ويفوز باللعبة!
4️⃣اللعبة مكونة من لوحة فيها 4 مسارات، كل لاعب بيختار المسار اللي عايز يتحرك فيه، ومع كل مسار في كتيب للمواقف اللي بيمر بيها والأحاديث المرتبطة بكل موقف، ومع اللعبة كتيب الأسئلة واللي مجمعين فيه أسئلة كل المسارات
وعشان كل اللي بيلعب معانا كسبان، فكل لاعب هيوصل لنهاية مساره هيحصل على كارت هدية فيه حديث جامع يقدر يحتفظ بيه بعد نهاية اللعبة ..
وده بالإضافة لكارت الفائز واللي بيحصل عليه أسرع لاعب بيوصل لنقطة النهاية
🔸اللعبة مناسبة لأطفالنا من سن 6 إلى 14 سنة..
وعدد اللاعبين فيها 2 إلى 4
🎀 الصور من صفحة الدار ومن صفحة نماء العقيدة
