One, Two Daghfoul Is Safe.. - .. واحد اثنان دغفول في أمان

🍡 واحد اثنان دغفول في أمان .. 🍡
🍡 دار رؤية 🍡
🍡 أهمية وجود العائلة والانتماء 🍡
🍡العمر +5🍡

🌿 مراجعة الدار
لا ماء.. لا ماء..
.صاحت كل الفيلة بفزع
توجس دغفول خيفة وقال كيف سنعيش بعد الآن؟
هل ستجد الفيلة الماء؟!
وماذا عن دغفول الذي انقلب رأسا على عقب؟
من يساعده يا ترى؟ هل حقا يمكننا انقاذ نفسنا؟
أحداث قصتنا ستعلمننا اننا
إن لم نساعد أنفسنا لن تنفعنا اي مساعدة.

🌿 قصة رمزية بتحمل كتيييير معاني بالرغم من بساطتها الكبيرة:
رح احكي اول شي ملخص القصة بعدين الحكم المستفادة
كانت الفيلة عايشة ضمن قطيع متل ما كل عمرهم متعودين .. صار جفاف وما عاد لقوا مي .. اضطروا يتفرقوا .. وصغير الفيل دغفول بيقع بوادي صغير وما بيقدر يقوم .. بيجوا اهله يساعدوه وما بيقدروا وكانت الأسود عم تتربص فيهم يتركوه لياكلوه
بيطلقوا الفيلة نداء استغاثة وبيجتمع القطيع بس لحتى يكونوا كقطيع اقوى سوا ولو انه ما حدا رح يقدر يطلع دغفول الا دغفول نفسه وعيلته

رح احكي هلا التوجيهات والعبر والاسقاطات على الواقع لان القصة جدا واقعية

🌸 نحن كعائلات فرقتنا الظروف.. وصارت كل عيلة بمحل متل ما صار بالقصة .. بس وقت الجد ما لنا غير بعض .. حتى لو ما منقدر نساعد بعض مباشرة .. بس منعرف انو النا سند لو بالدعاء❤️
ويلي ما له انتماء ما له سند

🌸 يلي بكون لحاله بتاكله الأسود وهاد واقع .. نحن قوتنا باجتماعنا وهاد على المستوى الصغير كتير والكبير .. مثلا .. الطفل يلي ما بخبر اهله شي بكون عرضة للاذى أكثر من الطفل يلي بيلجأ لاهله بكل صغيرة وكبيرة
اسألوا طفلكم .. لو دغفول تركوه اهله شو كان صار..
لو اجو الأسود وشافوه لحاله وطلعوه وفرجوه انو رح يساعدوه.. شو كان صار ..

🌸 دغفول بالرغم من انو ساعدوه اهله.. بس ما طلع لحتى ساعد حاله كمان .. وهون في نقطة كتير مهمة .. لازم الطفل يطلب المساعدة من اهله بس بنفس الوقت ما يكون اتكالي.. هو وهنن بدهم يشتغلوا سوا ..

الاسقاطات على الواقع كبيرة وفيكم تستخدموا القصة بكتير توجيهات وعبر
الصغير بيفهم القصة والكبير لازم نناقشوا ليفهم الإسقاط على الواقع والعبر

🌿 الخط كبير وبالتشكيل
🌿 عدد الصفحات 18
🌿 القياس 25*25
🌿 الوزن 155 gr